Форум пройдзе ў Мінску з 8 па 12 красавіка. Яго мерапрыемствы будуць прысвечаны тэме электроннага ўрада (стварэнню электроннай сістэмы аховы здароўя, электроннай адукацыі, юрыспрудэнцыі, грамадскай бяспецы, сацыяльным паслугам, транспартнай інфраструктуры), тэме лічбавай эканомікі і нацыянальнага сегмента інтэрнэту.
Гродзенскі дзяржаўны ўніверсітэт імя Янкі Купалы прадэманструе на выставе праграмна-тэхнічныя распрацоўкі, прызначаныя для фарміравання лічбавага адукацыйнага асяроддзя, якія забяспечваюць мабільнасць навучання і новы фармат камунікацыі студэнтаў з выкладчыкамі і патэнцыйнымі працадаўцамі.
Экспазіцыя ГрДУ імя Янкі Купалы ўключае рашэнні па аўтаматызацыі дзейнасці службаў універсітэта, сродкі мабільнага доступу да сэрвісаў, віртуалізацыю навучальнага працэсу, электронныя вучэбна-метадычныя комплексы і дапаможнікі, сродкі для забеспячэння навуковых даследаванняў.
На выставе можна будзе ўбачыць навукаёмістую прадукцыю, якую прадставяць праекты “Праграмнае забеспячэнне для аналізу кінетыкі згасання флуарэсцэнцыі”, “Кантролер спектральнага комплексу ДФС-52”, “Лічбавыя сістэмы аўтаматызацыі спектральных вымярэнняў”, “Вымяральнік канцэнтрацыі пароў алкаголю”.
Таксама будуць прэзентаваныя студэнцкія стартапы: электронны даведнік па гістарычных аб'ектах горада Гродна ў фармаце чат-бота ў месэнджары Telegram “GrodnoBot”, індывідуальныя развіццёвыя цацкі з прымяненнм лазерных тэхналогій “FirstSkills”, віртуальны самадапаможнік па асновах робататэхнікі з элементамі дапоўненай рэальнасці “Robbo-Reality” і Web-дадатак, які дазваляе генераваць музыку з карцін мастакоў і рабіць аналіз якасці малюнкаў “Musicast”.
Надзея НІКАЛАЕВА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
